كل سنه وانتوا بخير وصحه وسلامه والله يسعدني ويسعدكم يارب
بما انها سنه جديده وانا مره كنت مقصره مع المدونه في 2015 بس خلاص اخذت لنفسي وعد اني اضغط وقتي واكون قد كلمتي
وان شاء الله كل اسبوعين انزل تدوينه وحده بحيث اكون مصوره كل شي ومجهزه الكلام واختار مثلا يوم السبت فيصير سبت اكتب تدوينه وسبت لا
والحمدلله يارب سنه جديده متفائله جدا فيها ويارب تبارك لنا في هذي السنه وتنعمها عليها بنعيمك
ذكريات 2015؟
السنه اللي فاتت تعتبر من السنين اللي علمتني اشياء كثيره السنه اللي فيها لحظات كثيره والحمدلله تغلب اللحظات الحلوه على المرّه
الحمدلله انا من خريجات الثانوية سنة 2015 جديا كانت سنه جميله جدا في مدرسة اكثر من جميله معلماتها وطاقم الاداره
شكرا 2015
الحمدلله الذي بنعمته تتم الصالحات
جت سنه جديده وكلنا نأمل فيها كل خير يارب ويارب احقق كل اهدافي لهذي السنه وتحققون كل اهدافكم
بالعاده كل سنه اقول لا ان شاء الله بحقق اهدافي كلها اسويها اول اسبوعين واطفش بس يارب هالمره متاكده اني بكمل كل شي واحقق اهدافي
طيب ، تخطيطات 2016 بتكون كالتالي ؟
وزني 37 وابيه يصير 43 لاني نحيفه وهالشي متعبني صحياً
بحسن من لغتي الانقليزيه اكثر
انقبل بالجامعه وادخل تخصص انقلش او ادارة اعمال
اقرا 5 كتب ومن بينهم
لاني دايم انساه BLACK FRIDAY بتجهز لـ
بجلس مع نفسي واجددها لمدة اسبوع راحه من كل الاجهزه والناس لحالي بغرفتي اسوي تحديث نفسي وانسى كل الاشياء السلبيه
ماراح اصرف فلوسي كلها بمكياج وملابس في اشياء اهم اصلحها
حبتسم طول الوقت وبكل مكان مهما كانت الظروف
وطبعا ماراح اهمل الموقع هذا واحقق هدفي كل اسبوعين تدوينه
وبعض الاشياء ..
واتمنى لكم سنه سعيده يارب وتكنون سعيدين اكثر من اي سنه وتحققون اهدافكم ورغباتكم يارب
وبس
Bye Bye